18th January 2021
Breaking News

વસંત પંચમીએ રાશિ પ્રમાણે કરો આ ઉપાય, લાઈફમાં ઝડપી સફળતા મળશે

આજે વસંત પંચમીઃ
માઘ મહિનાની શુક્લ પક્ષની પંચમીને વસંત પંચમીના રૂપમાં ઉજવવામાં આવે છે. આ દિવસે વિદ્યાની દેવી સરસ્વતીની પૂજા કરવામાં આવે છે. એવુ માનવામાં આવે છે કે આજના જ દિવસે સરસ્વતીજી પૃથ્વી પર અવતર્યા હતા. તેમને સમસ્ત જ્ઞાન, સંગીત, સાહિત્ય, કળાની દેવી માનવામાં આવે છે. તમે જો આજના દિવસે રાશિ પ્રમાણએ ઉપાય કરશો તો તમારી બુદ્ધિ તેજ બનશે અને કારકિર્દીમાં જોરદાર સફળતા મળશે.
મેષઃ

મનની ચંચળતાને કારણે એકાગ્રતા નથી રહેતી. જો તમે ચિત્ત એકાગ્ર કરી શકો તો કારકિર્દીમાં ઘણા આગળ આવી શકો તેમ છો. આથી આજના દિવસે લાલ રંગની પેન માતા સરસ્વતીને અર્પણ કરો.
વૃષભઃ

તમને જો કોઈ ચીજ સમજવામાં અથવા તો લાંબો સમય યાદ રાખવામાં તકલીપ થતી હોય તો તેના ઉકેલ માટે સરસ્વતીજીને લીલા રંગની પેન ચડાવો.
મિથુનઃ

તમારુ દિમાગ ખૂબ જ તેજ છે છતાંય તમે નિર્ણયો કરવામાં હંમેશા અવઢવ અનુભવો છો અને ભ્રમિત થઈ જાવ છો. આવા સંજોગોમાં માંને સફેદ અખવા તો પારદર્શક પેન ચડાવો.
કર્કઃ

આ રાશિના જાતકોની બુદ્ધિ પણ જેત હોય છે અને વિદ્યાના યોગ પણ સારા હોય છે પરંતુ તે શરૂઆતના ગાળામાં સારી શિક્ષા નથી મેળવી શકતા. તેમને અનેક વિઘ્નોનો સામનો કરવો પડે છે. આથી સરસ્વતી દેવીને લાલ રંગની કલમ અર્પણ કરવી જોઈએ.
સિંહઃ

બુદ્ધિમાન હોવા છતાંય આ રાશિના લોકો પર જવાબદારીઓ એટલી બધી હોય કે તે શિક્ષા ક્ષેત્રે પાછળ પડી જાય છે. તેમણે સરસ્વતી દેવીની વિશેષ કૃપા મેળવવા માટે અને જીવનમાં પ્રગતિ કરવા માટે પીળા રંગની પેન અર્પણ કરવી જોઈએ.
કન્યાઃ

તેમની બુદ્ધિ તીક્ષ્ણ હોય છે છતાંય તેમને વધુ પડતો આત્મવિશ્વાસ નુકસાન પહોંચાડે છે. આત્મવિશ્વાસને કાબુમાં રાખવા માટે તેમણે માતાજીને બ્લુ રંગની પેન ચડાવવી જોઈએ.
તુલાઃ

આ રાશિના લોકો દેખાવા અને ગ્લેમરમાં એટલા ફસાઈ જાય છે કે તેમની શિક્ષા અને કારકિર્દી પણ અવળા રવાડે ચડી જાય છે. આ સમસ્યાથી બચવા તેમણે કાળા કે બ્લુ રંગની પેન સરસ્વતીજીને અર્પણ કરવી જોઈએ.
વૃશ્ચિકઃ

આ રાશિના લોકો કારકિર્દીમાં કરવા કંઈક માંગતા હોય છે અને થઈ કંઈ બીજુ જાય છે. આ રાશિના લોકો સાચા સમયે સાચો નિર્ણય નથી લઈ શકતા. આથી તેમની આ સમસ્યા દૂર કરવા તેમણે માતાજીને પીળા કલરની પેન ચડાવવી જોઈએ.
ધનઃ

જીવનના શરૂઆતી તબક્કામાં સમસ્યાને કારણે આ રાશિના જાતકોને શિક્ષણ ક્ષેત્રે સંઘર્ષ કરવો પડે છે. જો કે તે પોતાની કારકિર્દી સારા પાટે ચડાવવા માંગતા હોવ તો તેમણે મા સરસ્વતીને લાલ રંગની પેન ચડાવવી જોઈએ.
મકરઃ

તમે યોગ્ય સમયે યોગ્ય નિર્ણય લો છો. ભણતર અને કોમ્પિટિશનમાં તમને સારી સફળતા મળે છે પરંતુ એક સાથે અનેક કામ કરવાના ચક્કરમાં વાત બગડી જાય છે. લક્ષ્ય પર ધ્યાન કેન્દ્રિત કરવા માટે સફેદ અથવા પારદર્શક કલમ માતાજીને અર્પણ કરો.
કુભઃ

બેદરકારીને કારણે આ રાશિ બુદ્ધિ તેજ હોવા છતાંય કારકિર્દીમાં પાછળ પડી જાય છે અને મંજિલ પર નથી પહોંચી શકતા. બેદરકારી ઘટાડવા માટે તેમણે સરસ્વતી દેવીને લીલા રંગની પેન ચડાવવી જોઈએ.
મીનઃ

તમે તમારુ દિમાગ બીજાને નુકસાન પહોંચાડવામાં ન દોડાવો તો જ સારુ રહેશે. શાંતિથી રહેશો તો ભણતર અને કોમ્પિટિશન બંનેમાં આગળ આવશો અને સારા પરિણામ મળશે. ઝડપી પ્રગતિ માટે માતાજીને સફેદ રંગની પેન ચડાવો.

Leave a Reply

Your email address will not be published. Required fields are marked *