9th July 2020
Breaking News

હવે ગેસ સીલિન્ડરના લીકેજની જાણકારી મોબાઇલ પર મળશે

એલ.ડી. એન્જિનિયરિંગમાં યોજાયેલી હેકેથોનમાં ઇનોવેટિવ પ્રોજેક્ટ રજૂ થયા હવે ગેસ સીલિન્ડરના લીકેજની જાણકારી મોબાઇલ પર મળશે

એલ.ડી. કોલેજ ઓફ l.d collage એન્જિનિયરિંગ ખાતે રાજ્ય સ્તરની હેકેથોન ‘ઇનેવેથોન’નું આયોજન કરાયુ હતું, જેમાં રાજ્યની વિવિધ કોલેજના ૭૦થી વધારે સ્ટુડન્ટસે ભાગ લીધો હતો. ઇનેવેથોનમાં સ્ટુડન્ટ ટીમને સમાજને મદદરૃપ થાય તેવા ઇનોવેશન કરવાની ટાસ્ક આપવામાં આવી હતી, ઇનોવેશન કરવા માટે તેમને ૩૬ કલાકનો સમય પણ અપાયો હતો.

જેમાં બિરલા વિશ્વકર્મા મહાવિદ્યાલયના સ્ટુડન્ટસે રાંધણ ગેસની દુર્ઘટના ટાળવા માટે ગેસ સીલિન્ડર સ્ટેન્ડ બનાવ્યું છે. જેના દ્વારા ગેસ લીકેજની માહિતી ફોન પર મળી શકશે. હેકેથોનમાં દિવ્યાંગો માટે કામ કરતા સોશિયલ એક્ટિવિસ્ટ રણજીત ગોહિલ પણ ઉપસ્થિત રહ્યાં હતા અને સ્ટુડન્ટસને સમાજને ઉપયોગી થાય તેવા ઇનોવેશન કરવા પ્રેર્યા હતા.

ગેસની બોટલ માટે સેન્સર ચીપ ધરાવતુ સ્ટેન્ડ વિકસાવ્યું

આગાની ઘટના લોકો માટે વધારે અસહનીય હોય છે, જેના કારણે અમે રાંધણ ગેસની બોટલને વધારે સિક્યોર કેવી રીતે બનાવી શકાય તે વિશે રિસર્ચ કર્યું હતું. રિસર્ચ દ્વારા અમે એક સિલીન્ડર સ્ટેન્ડ બનાવ્યું, જેમાં આરએફઆઇડી સેન્સર ચીપ લાગાવી છે. ચીપના સેન્સર દ્વારા ગેસની બોટલનું વજન માપી શકાશે. ઉપરાંત ગેસ લીકેજની માહિતી મોબાઇલ પર મેળવી શકાશે. જેના દ્વારા આગની દુર્ધટનાથી બચી શકાશે. – ઈશ્વરીય જોશી, જય શાહ અને જય પ્રજાપતી (બિરલા વિશ્વકર્મા મહાવિદ્યાલય)

ઘરની વીજળી મોબાઇલથી ઓપરેટ કરી શકાશે

ઘરની વીજળીનો બગાડ અટકે તે દિશામાં અમારી ટીમે કામ કર્યું છે, જેના માટે અમે રાસ્પબેરી અને આર્ડિનો સિસ્ટમ આધારિત એપ્લિકેશન તૈયાર કરી છે, જેના દ્વારા ઘરની વીજળી કન્ટ્રોલ ઓપરેટર પોતાના મોબાઇલ દ્વારા કરી શકશે. જેના કારણે ભૂલથી ચાલુ રહી ગયેલા ઇલેક્ટ્રીક ઉપકરણો યુઝર મોબાઇલ દ્વારા બંધ કરી શકશે અને વીજળી બચાવી શકશે. – દિપ, ધ્યાની અને ઋતુ

સોલાર પેનલની સફાઇ માટે પાણીનો ઉપયોગ દર્શાવ્યો

સોલાર ઊર્જાનો મુખ્ય સ્ત્રોત સોલાર પેનલ પર રહેલો છે, પરંતુ તેના પર ડસ્ટ જમા થવાથી તેની કાર્યક્ષમતા પર અસર પડે છે. તેથી અમારા ગુ્રપ દ્વારા વિવિધ રોબોટ પર રિસર્ચ કરવામાં આવ્યું, પરંતુ રોબોટ પર વધારે એનર્જી ખર્ચાતી હોવાથી બીજો વિકલ્પ શોધવો પડયો હતો. જેમાં બીજા વિકલ્પ તરીકે અમે પાણીનો ઉપયોગ કર્યો જેના કારણે સોલાર પેનલની લાઇફ પણ વધે છે. ઉપરાંત પાણીનો ફરીથી ઉપયોગ પણ કરી શકાય છે. – સિધ્ધાર્થ, ત્રુશાંત, મેધા, તાનાઝ (બાબરીયા ઈન્સ્ટિટયૂટ)

Leave a Reply

Your email address will not be published. Required fields are marked *