9th July 2020
Breaking News

બે હેક્ટર જમીન ધરાવતા ખેડૂતોને દર વર્ષે રૂ.6000 સરકાર ચૂકવશે

બજેટ 2019માં મોદી સરકારે ખેડૂતોને લઇને મોટી જાહેરાત કરી છે. જો કે ખેડૂતોના મુદ્દા પર મોદી સરકાર સતત દબાણમાં પણ રહી હતી. એવામાં સરકારે ખેડૂતોની નારાજગી દૂર કરવા અને તેમને આર્થિક મુશ્કેલીમાંથી બહાર કાઢવાની દિશામાં મોટો નિર્ણય લીધો છે.

મોદી સરકારે ખેડૂતોને 6 હજાર રૂપિયા પ્રતિ વર્ષના દરે મદદ કરવાની જાહેરાત કરી છે.ખેડૂતો માટે કિસાન વિકાસ સમ્માન યોજના મળશે. નાના ખેડૂતો જેમની પાસે 2 હેકટર (લગભગ 5 એકર) સુધી જમીનવાળા ખેડૂતોના ખાતામાં દર વર્ષે 6000 રૂપિયા આવશે. નાના અને મધ્યમ વર્ગના ખેડૂતોને આ રકમ મળી શકશે. તેના માટે પ્રધાનમંત્રી કિસાન સમ્માન નિધિ અપાશે. મળતી માહિતી પ્રમાણે પહેલો હપ્તો થોડાંક જ સમયમાં એટલે કે ત્રણ સપ્તાહની અંદર જ જમા કરાવાશે. આ નાણાં ત્રણ હપ્તામાં 2000 રૂપિયાના દરે જમા કરાવાશે.

કેન્દ્ર સરકારને આ યોજનાથી 75000 કરોડનું ભારણ વધશે.બજેટ 2019માં મોદી સરકારે ખેડૂતોને લઇને મોટી જાહેરાત કરી છે. જો કે ખેડૂતોના મુદ્દા પર મોદી સરકાર સતત દબાણમાં પણ રહી હતી. એવામાં સરકારે ખેડૂતોની નારાજગી દૂર કરવા અને તેમને આર્થિક મુશ્કેલીમાંથી બહાર કાઢવાની દિશામાં મોટો નિર્ણય લીધો છે. મોદી સરકારે ખેડૂતોને 6 હજાર રૂપિયા પ્રતિ વર્ષના દરે મદદ કરવાની જાહેરાત કરી છે.

કેન્દ્રિય મંત્રી પીયૂષ ગોયલે શુક્રવારે વચગાળાનું બજેટ 2019 રજૂ કરી ખેડૂતોને મોટી ભેટ આપી છે. સરકારે ચૂંટણી વર્ષને લઇને આ વચગાળાના બજેટમાં ખેડૂતો માટે મોટી જાહેરાત કરી છે. સરકારે ખેડૂતોને સીધી રીતે આર્થિક સહાય આપવાનો નિર્ણય લઇને ઇનકમ સપોર્ટ પ્રોગ્રામની જાહેરાત કરી છે. તેમણે કહ્યું કે જે ખેડૂતો પાસે બે હેક્ટર જમીન છે તેમને દર વર્ષે 6 હજાર રૂપિયા આપવામાં આવશે.

પીયૂષ ગોયલે કહ્યું કે ‘પીએમ કિસાન સન્માન નિધિ’ યોજનાની શરૂઆત કરાઇ છે. જેના હેઠળ નબળા અને નાના ખેડૂતોને દર વર્ષે 6 હજાર રૂપિયા આપવામાં આવશે જેથી ખેડૂતોની આવકમાં વધારો થાય. આ રકમ ત્રણ ભાગમાં બે હજાર-બે હજાર રૂપિયા તરીકે આપવામાં આવશે. આ પૈસા સીધા ખેડૂતોના ખાતામાં જશે અને તેનું 100 ટકા સરકાર ફંડિગ કરશે.

પીયૂષ ગોયલે કહ્યું કે આ યોજનાથી દેશના 12 કરોડ ખેડૂત પરિવારોને તેનો સીધો લાભ મળશે. ત્રણ ભાગમાં ખેડૂતોને આ યોજનાનો લાભ મળશે. તેનાથી સરકાર પર કુલ 75 હજાર કરોડ રૂપિયાનો ખર્ચ વધશે. તેમણે શુક્રવારે વચગાળાનું બજેટ 2019 પ્રસ્તુત કરી કહ્યું કે વડાપ્રધાન નરેન્દ્ર મોદીએ દેશને મજબૂત સરકાર આપી છે. અમે 2022 સુધી ખેડૂતોની આવક બમણી કરવાનો લક્ષ્યાંક રાખ્યો છે. પાકથી આવકને બમણી કરી ઇતિહાસમાં પ્રથમ વખત તમામ 22 પાકનો ખર્ચ ઓછામાં ઓછા 50 ટકા કરતા વધુ નિર્ધારિત કરાયો છે.

મોદી સરકારે ગાય માટે પણ બજેટમાં વિશેષ રજૂઆત કરી છે. કેન્દ્રિય મંત્રી પીયૂષ ગોયલે સરકારની રાષ્ટ્રીય કામધેનુ આયોગની જાહેરાત કરી. આ ઉપરાંત સરકારે પશુપાલન અને મત્સય પાલન માટે લોનમાં બે ટકા વળતર આપવાની જાહેરાત કરી છે. પીયૂષ ગોયલે બજેટમાં એલાન કર્યું કે પશુપાલન માટે ખેડૂત ક્રેડિટ કાર્ડથી લોન મળશે.

હકીકતમાં વિપક્ષ ખાસ કરીને કોંગ્રેસના રાષ્ટ્રીય અધ્યક્ષ રાહુલ ગાંધી ખેડૂતોના મુદ્દા પર મોદી સરકારને સતત ઘેરતા આવ્યા છે. લોન માફીને મોટો ચૂંટણી મુદ્દો બનાવી કોંગ્રેસે મધ્યપ્રદેશ, છત્તીસગઢ અને રાજસ્થાનની વિધાનસભા ચૂંટણીમાં જીત નોંધાવી છે. આ મુદ્દાની ગંભીરતાનો અંદાજ આ જ વાતથી લગાવી શકાય છે કે તાજેતરના મહિનાઓમાં દિલ્હીથી લઇને યુપી અને મહારાષ્ટ્ર સુધીની સરકારો ખેડૂત આંદોલનનો ભોગ બની ચૂકી છે.

Leave a Reply

Your email address will not be published. Required fields are marked *