13th August 2020
Breaking News

તમારા બાળકને માસ્ટર માઈન્ડ બનાવવા ઇચ્છતા હોય તો માતા-પિતાએ શું ધ્યાન રાખવું?

માતા-પિતાએ શું ધ્યાન રાખવું?.

તમે ગમે તેટલા પૈસાપાત્ર કે અફોર્ડિંગ હો તો પણ બાળકને પૈસાનું મૂલ્ય સમજાવવું એ તમારી પ્રાથમિક ફરજ છે..
તમારા બાળક માટે એક બહુ મોટી ન હોય તેવી રકમનું પાકેટ-મની નક્કી કરો. બાળકે એ જ નાણાંકીય લિમિટમાં પૈસા વાપરવાના છે તેવી સ્પષ્ટ સૂચના આપો. આનાથી બાળક ‘બજેટિંગ’નો મહત્વનો ગુણ શીખશે..

તમે પોતે પણ ઘરમાં વિગતવાર નોંધ કરી શકાય તેવી ‘એક્સપેન્સs ડાયરી’ રાખો. એમાં જેણે જે ખર્ચ કર્યો હોય તે લખી નાખવો એવો નિયમ નક્કી કરો. દિવસના અંતે જ્યારે ડિનર પતે ત્યારે આ હિસાબોનું કામ કરી શકાય. જો તમારૂ બાળક કોઇ ખર્ચને ભૂલી જાય તો ગુસ્સે થયા વગર સમજાવટથી કામ લો અને ધીમે ધીમે પોતે કરેલા ખર્ચને યાદ રાખવાની ટેવ પાડો..

તમારા બાળકને બેંકિંગના કામકાજની શક્ય હોય તો સમજ આપો. પાસબુક ભરાવવી, ચેક લખાવવા કે બેંકમાં જવાની સાથે રહીને ટ્રેઇનિંગ આપો. આ ખૂબ અગત્યનું ‘ઇન્વેસ્ટમેન્ટ’ ગણીને બાળકને સમજાવવા મહેનત કરો..

ક્યારેક એવું પણ કરી શકાય કે ઘરમાં કોઇ નવી વસ્તુ લાવવી હોય તો એ માટે ‘ફંડ’ ઊભું કરવા (પછી ભલે ને તમે એ વસ્તુ તાત્કાલિક ખરીદી શકો તેમ હો તો પણ) ધીરે ધીરે એ માટે પૈસા બચાવવાની કૉમન ટેવ વિકસાવો. ભવિષ્યની નાણાંકીય સલામતી માટે આ ટેવ તમારા સંતાનને અત્યંત ઉપયોગી થશે..
જો તમારૂ બાળક કોઇ મોંઘા ગેજેટ માટે બહુ જીદ કરે તો તમે પહેલા નક્કી કરો કે ખરેખર એ વસ્તુની એને જરૂર છે કે કેમ ! જો ખરેખર જરૂર હોય અને પહોંચી વળો તેમ હો તો તાત્કાલિક અપાવો, પણ જરૂર ન હોય તો ગમે તેટલી જીદ પછી પણ તમે તમારી ‘ના’ પાડ્યાની વાત પર મક્કમ રહો. અને બીજી બાબતો પ્રત્યે તમારા સંતાન સાથે બિલકુલ નોર્મલ બિહેવીયર રાખો..

માસ્ટર માઈન્ડઃ તમારા સંતાનની ‘આદત’ કે એનું ‘વર્તન’ ખરાબ હોઇ શકે, આખેઆખું સંતાન નહીં..

Leave a Reply

Your email address will not be published. Required fields are marked *