25th February 2021
Breaking News

પાકીસ્તાને મુહતોડ જવાબ 21 મિનિટ સુધી મિરાજ-2000 વિમાનોએ વરસાવ્યા બોમ્બ, 200-300 આતંકવાદીઓને આ રીતે માર્યા

પુલવામા ખાતે આતંકવાદી હુમલા બાદ ભારત અને પાકિસ્તાન વચ્ચે તણાવ વ્યાપી રહ્યો છે. દરમિયાન પાકિસ્તાને ભારતીય વાયુ સેના પર Pok ખાતે લાઇન ઓફ કંટ્રોલનું ઉલ્લંઘન કર્યાનો આરોપ મૂક્યો છે. જોકે ભારત તરફથી પાકિસ્તાનના આરોપનો અધિકૃત જવાબ આપ્યો નથી.

પુલવામા હુમલાનો બદલો લેવા માટે ભારતીય વાયુસેનાએ પીઓકેમાં આતંકવાદી કેમ્પો કરેલા હુમલાથી આખી દુનિયા જોતી રહી ગઈ છે.

સૂત્રોનુ માનવામાં આવે તો આ હુમલો કરવા માટે ઉપયોગમાં લેવાયેલા મિરાજ 2000 વિમાનોના પાયલોટોએ સતત 21 મિનિટ સુધી પીઓકેમાં બોમ્બમારો કર્યો હતો.આ બોમ્બમારામાં 300 જેટલા આતંકવાદીઓનો ખાત્મો થયો હોવાનુ પણ મનાઈ રહ્યુ છે.

12 મિરાજ 2000 વિમાનો સોમવારે રાતે 3-30 વાગ્યે પીઓકેમાં પ્રવેશ્યા હતા અને 1000 કિલોના બોમ્બનો ઉપયોગ કરીને તબાહી સર્જી નાંખી હતી.21 મિનિટ સુધી ત્રણ કેમ્પો પર બોમ્બ વરસાવીને વિમાનો સફળતાપૂર્વક પોતાના એરબેઝ પર પાછા પણ ફરી ગયા હતા.

બીજી બાજુ ઇન્ડિયન એરફોર્સના સૂત્રો દ્વારા મળતી જાણકારી મુજબર ભારતના 12 મિરાજ-2000 વિમાનોએ પાકિસ્તાનમાં ઘૂસીને આતંકવાદી સંગઠન જૈશ-એ-મોહમ્મદના ઠેકાણાઓ પર એરસ્ટ્રાઇકને અંજામ આપ્યો છે. સૂત્રો દ્વારા મળતી માહિતી અનુસાર સવારે 3:30 વાગ્યે 1000 કિલો વિસ્ફોટકને ટારગેટ પર દાગવામાં આવ્યા છે. આ કાર્યવાહી બાદ સરહદ પણ તણાવ વધી ગયો છે અને વાયુસેનાને એલર્ટ પર રાખવામાં આવી છે.

ઉલ્લેખનીય છે કે આ પહેલાં પણ ભારત સરહદપાર જઇને આતંકવાદી ઠેકાણા પર સર્જિકલ સ્ટ્રાઇક કરી ચૂક્યું છે. પુલવામા હુમલા બાદ ભારતે આતંકવાદીઓ વિરુદ્ધ જોરદાર પગલાં લેવાની ચેતવણી પણ આપી છે.

Leave a Reply

Your email address will not be published. Required fields are marked *